རང་རང་གཞུང་གི་བརྗོད་བྱ་དགོས་དོན་སོགས། །མ་མཐོང་ཤགས་འགྱེད་ཚིག་འཁྲི་སྐམ་པོ་དང་། །རིགས་པས་དཔྱད་པ་མི་བཟོད་གོ་ཐོས་ཀྱི། །བསམ་བཤད་འདིས་ཀྱང་བརྡར་ཤ་མི་ཆོད་པས། །གོ་རིག་ཟུང་དུ་འབྲེལ་བར་སྦྱོངས་ཤིག་ཨང་། །ཞེས་སོ།།

སྡེ་ཚན། བཀའ་བརྟེན་འགྱུར།

ལུང་འདི་དག་གི་ཁུངས་གང་ཡིན་ནམ།

རྩོམ་བྲིས་པ། ཁྱུང་ཁྲི་ལྡེ། དྲི་བ་གནང་མཁན། དགེ་བདག་མེད་འཇག་སྐྱ།  དྲི་བ། ༡) ཨ་ནི་ཕོ་རྒྱུད་ཐུགས་ཀྱི་སྙིང༌། །ཞེས་པ་དང་།...

གཤེན་རབ་མཛད་པ་མཐར་ཕྱུང་གི་གཟེར་བུ་ཞེས་བྱ་བ་བཞུགས་སོ།།

མཛད་པ་པོ། བླ་ཆེན་དྲན་པ་ནམ་མཁའ། གཤེན་རབ་མཛད་པ་མཐར་ཕྱུང་གི་གཟེར་བུ་ཞེས་བྱ་བ་བཞུགས་སོ།། (དྲང་དོན་མུན་སེལ་སྒྲོན་མ་ལས་ཟུར་དུ་དྲངས།) སྟོན་པའི་སྒྲོན་མ་མ་རིག་མུན་པ་སེལ་ལ་ཕྱག་འཚལ་ལོ། །བོན་གྱི་ཆེ་བ་བརྗོད་པ་གཤེན་རབ་མཛད་པ་མཐར་ཕྱུང་གི་གཟེར་བུ་འདི་ལ། དོན་རྣམ་པ་གཉིས་ཏེ། དཀའ་བ་སྣ་ཚོགས་དང་དུ་བླངས་ནས།...

གཤེན་རབ་ཉིད་ཀྱིས་འབྲེལ་སྒྲའི་སྐོར་འདི་ལྟར་གསུངས།

མཛད་པ་པོ། སྟོན་པ་ཐུགས་རྗེ་ཅན། མདོ་གཟེར་མིག་འཁོར་སྤང་དགོན་པ་མཛད་པའི་ལེའུ་ལས། “དེ་ལྟར་སྟོང་ལ་ཡོངས་སུ་རྒྱ་མ་ཆད། དམ་པའི་དོན་དུ་ཡེ་ནས་སྟོང༌། ཀུན་རྫོབ་དངོས་སུ་མཚན་མར་སྣང༌། སྣང་སྟོང་གཉིས་ཀའི་དོན་ཚད་ནི། ཏིང་ངེ་འཛིན་གྱིས་གཟུངས་ཐེབས་ན།...

འདུལ་བ་གཤེན་དྲུག་ཇི་ལྟར་སྤྲུལ་ཚུལ།

མཛད་པ་པོ། སྟོན་པ་ཐུགས་རྗེ་ཅན། མདོ་གཟེར་མིག་གཤེན་རབ་ཀྱི་བསྟན་པ་སྤེལ་བའི་ལེའུ་ལས། “དེ་ནས་ཡང་སྟོན་པ་གཤེན་རབ་མི་བོ་ནི། མཚོ་མུ་ལེ་སྟོང་ལྡན་ཧད་ཀྱི་འགྲམ་དུ་སྐུ་ཁྲུས་ལ་གཤེགས་སོ། །ཟླ་བ་ཉ་གསུམ་གྱི་དུས་ཁྱད་པར་ཅན་ལ། ཉ་དང་པོ་དཀར་བའི་དུས་སུ། སྟོན་པ་ལ་གནམ་གྱི་ལྷས་སྐུ་ཁྲུས་གསོལ། ཉ་དབུ་མ་དམར་བའི་དུས་སུ། སྟོན་པ་ལ་བར་གྱི་མིས་སྐུ་ཁྲུས་གསོལ། ཉ་ཐ་མ་སྔོ་བའི་དུས་སུ། སྟོན་པ་ལ་ས་འོག་གི་ཀླུས་སྐུ་ཁྲུས་གསོལ། ལྷ་ཀླུ་མི་དང་གསུམ་གྱི་སློབ་བུ། འབུམ་ཕྲག་མང་པོས་གཤེན་རབ་སྐུ་བསྐོར་ནས། འོལ་མོ་ལུང་རིངས་གནས་མཆོག་དམ་པ་རུ། སྒྲ་དང་རོལ་མོ་མང་པོས་དྲངས་ཏེ་གཤེགས། བཀྲ་ཤིས་ཕོ་བྲང་བར་པོ་སོ་བརྒྱད་དུ། ལྷ་ཀླུ་མི་དང་གསུམ་གྱི་སློབ་བུ་ལ། པེའུ་ཙེ་རྣམ་པ་གསུམ་གྱི་བོན་སྟོན་ཏོ། །འགྲོ་བ་རིས་དྲུག་སེམས་ཅན་མཐའ་ཡས་ལ། སྟོན་པའི་དབང་པོ་དྲུག་ལས་འོད་ཟེར་ཕྱུངས། འདུལ་བའི་གཤེན་དྲུག་སྤྲུལ་ནས་འགྲོ་བ་གདུལ་བར་མཛད་དོ། །ལྟུང་བའི་སྡུག་བསྔལ་ཆེ་བ་ལྷའི་ཡུལ་ན། ལྷའི་བོན་པོ་གསལ་འབར་ཀུན་ཤེས་སུ་སྤྲུལ་ནས། ལྷ་རྣམས་འདྲེན་པའི་སྟོན་པ་མཛད་དོ། །ལྷ་མ་ཡིན་གྱི་ཡུལ་ན། ལྷ་མ་ཡིན་གྱི་བོན་པོ་མུ་སངས་ལྕེ་འབར་དུ་སྤྲུལ་ནས། རྩོད་པའི་ལྷ་མ་ཡིན་རྣམས་ལ་འདྲེན་པའི་སྟོན་པ་མཛད་དོ། །འཁོར་བ་མིའི་ཡུལ་ན་མིའི་བོན་པོ་སྟོན་པ་གཤེན་རབ་ཉིད་དུ་སྤྲུལ་ནས། ཆགས་པའི་མི་རྣམས་ལ་འདྲེན་པའི་སྟོན་པ་མཛད་དོ།།འཐིབས་པ་བྱོལ་སོང་གི་ཡུལ་དུ། བྱོལ་སོང་གི་བོན་པོ་གཏིང་གསལ་ཧད་ཀྱི་སྒྲོན་མེ་རུ་སྤྲུལ་ནས། འཐིབས་པའི་བྱོལ་སོང་རྣམས་འདྲེན་པའི་སྟོན་པ་མཛད་དོ། །བཀྲེས་སྐོམ་ཡི་དྭགས་ཀྱི་ཡུལ་དུ། ཡི་དྭགས་ཀྱི་བོན་པོ་གྲངས་འཛིན་བྱིན་སྤུངས་སུ་སྤྲུལ་ནས། བཀྲེས་སྐོམ་ཡི་དྭགས་རྣམས་ལ་འདྲེན་པའི་སྟོན་པ་མཛད་དོ། །སྡུག་བསྔལ་དམྱལ་བའི་ཡུལ་ན། དམྱལ་བའི་བོན་པོ་འཕྲུལ་བོན་ངར་དྲག་བྱམས་པར་སྤྲུལ་ནས། སྡུག་བསྔལ་དམྱལ་བ་རྣམས་ལ་འདྲེན་པའི་སྟོན་པ་མཛད་དོ། །” ཞེས་གསུངས་སོ།། །།

གས་སྲས་རྨ་ལོ་དང་གཡུ་ལོ་གཉིས་ཇི་ལྟར་བྱོན་ཚུལ།

མཛད་པ་པོ། སྟོན་པ་ཐུགས་རྗེ་ཅན། མདོ་གཟེར་མིག་གཤེན་རབ་ཀྱི་སྐུ་སྐྱེ་བ་བཞེས་པའི་ལེའུ་ལས། “དེ་ནས་ཡུམ་མི་ཕྱི་ལྷ་ཕྱི་ཡོ་ཕྱི་རྒྱལ་བཞད་མས། སྲས་གཤེན་རབ་ལ་གསོལ་པ། གནས་མཆོག་དམ་པ་འོལ་མོ་ལུང་རིངས་སུ། བདག་ཅག་འདུས་པའི་འཁོར་བའི་སེམས་ཅན་རྣམས། གཅིག་ཀྱང་མ་ལུས་ནང་པར་འཚངས་རྒྱ་ན།...

འབྱུང་ལྔས་ལུས་བསྐྱེད་ཚུལ།

མཛད་པ་པོ། སྟོན་པ་ཐུགས་རྗེ་ཅན། མདོ་གཟེར་མིག་སྟོན་པ་སྐུ་སྐྱེ་བ་བཞེས་པའི་ལེའུ་ལས། “དེ་ནས་ལུས་པོ་རྩ་ཆེན་པོ་བཞི་ཡིས་བསྡུས་ནས། འབྱུང་བ་བཞི་གཅིག་ཏུ་ཕུངས་སོ། དེ་ནས་བཞི་བསྡུས་ཀྱི་ཕུང་པོར་ཐོགས་སོ། །འབྱུང་བ་བཞི་ལ་ཡང༌། རླུང་གིས་སྤྱིར་ཕུང་པོ་ལ་ཁྱབ་པར་གནས་ཀྱང༌།...

དགོངས་ཚད་རྣམ་པ་ལྔ་ཡི་དགོས་པ།

མཛད་པ་པོ། སྟོན་པ་ཐུགས་རྗེ་ཅན། མདོ་གཟེར་མིག་སྟོན་པ་སྐུ་སྐྱེ་བ་བཞེས་པའི་ལེའུ་ལས། “དེ་ནས་རི་རབ་ཀྱི་རྩེ་མོ་ལ་བྱོན་ཏེ། འཁོར་རྣམ་པ་གསུམ་དང༌། མི་ཡུལ་གླིང་བཞི་ལ་གཟིགས་ནས། དགོངས་ཚད་རྣམ་པ་ལྔ་ཐུགས་ལས་བྱུང་བ་ནི། ཡུལ་གྲངས་མང་ཞིང་གླིང་རྒྱ་ཆེ་ན་ཡང༌། ལྷོ་འཛམ་བུའི་གླིང་སོག་ཀ་སྣོད་ཀྱི་འཇིག་རྟེན། འོལ་མོ་ལུང་རིངས་ལ་གཟིགས་ནས་བྱོན་ནོ། ། དེ་ཅིའི་ཕྱིར་བྱོན་ན། གླིང་ཕྱི་མ་ནི། མཐོ་རིས་སུ་འགྲོ་བའི་དགེ་བའང་མེད། ངན་སོང་དུ་ལྟུང་བའི་སྡིག་པའང་མེད། སྟོན་པའི་བསྟན་པ་མི་འཕེལ་བའི་གླིང་ཡིན་ནོ། །ཁོ་དག་གི་ཚེ་ནམ་ཟད་ཙམ་ན། ལས་ཀྱི་དབང་གིས་སྡོད་འཕེན་ནོ། །སྨོན་ལམ་ནི་ལྷོའི་སོག་ཀར་འདེབས་སོ། །ལྷོའི་འཛམ་བུའི་གླིང་ན། བསམ་གཏན་གྱི་ཏིང་ངེ་འཛིན་བསྒོམ་ན་ཐར་པ་འཐོབ། དགེ་བ་བཅུའི་སྒོར་ཞུགས་ན་མཐོ་རིས་སུ་སྐྱེ། མཚམས་མེད་པ་ལྔ་སྤྱད་ན་མནར་མེད་པར་སྦྱོར། སྡིག་པ་བཅུའི་སྒོར་ཞུགས་ན་ངན་སོང་དུ་སྐྱེ། སྟོན་པའི་ཐུགས་རྗེས་སེམས་ཅན་ཁ་ལོ་བསྒྱུར་སླ་བར་དགོངས་ནས་བྱོན་ནོ། །མཁར་མང་ན་ཡང༌། བར་པོ་སོ་བརྒྱད་ལ་དགོངས་ནས་བྱོན་ནོ། །དེ་ཅིའི་ཕྱིར་དགོངས་ན། མཁར་སླད་མ་ནི། ས་རྡོ་དང་རྩི་ཤིང་ལས་བརྩིགས་པ་ཡིན་པས་ན། བཞུགས་པར་ཉམས་མི་དགྱེས་ལ། བར་པོ་སོ་བརྒྱད་ནི་རིན་པོ་ཆེ་འབར་བའི་མཁར་ཡིན་པས། བཞུགས་པར་ནི་ཉམས་དགྱེས་ལ། །དགོངས་པར་ནི་ཡིད་སྤྲོ་བས། དགོངས་ནས་བྱོན་ནོ། །ནོར་ལ་དགོངས་པ་ནི། རིན་པོ་ཆེའི་གཏེར་ལ་དགོངས་ནས་བྱོན་ནོ། །དེ་ཅིའི་ཕྱིར་དགོངས་ན། ནོར་ཕྱི་མ་ནི་ཟད་པ་དང༌། ཤི་བ་དང༌། སྟོར་བ་ཅན་ཡིན་ནོ། རིན་པོ་ཆེའི་གཏེར་ལ་ནི། ནོར་གྱི་ལྷ་ཨརྱ་འཛམ་བྷ་ལ་བཞུགས་པས། དེ་ལྟ་བུ་ནི་མི་སྲིད་པ་དགོངས་ནས་བྱོན་ནོ། །ཡབ་ལ་དགོངས་པ་ནི། མི་བོན་ལྷ་བོན་རྒྱལ་བོན་ཐོད་དཀར་ལ་དགོངས་ནས་བྱོན་ནོ། །དེ་ཅིའི་ཕྱིར་དགོངས་ན། ཡབ་ཕྱི་མ་ནི་ཇི་ལྟ་བུ་ལ་ཡང༌། རྒྱུ་དུག་ལྔའི་ཤས་ཀུན་གཞི་ལ་ཡོད་ལ། མི་བོན་ལྷ་བོན་རྒྱལ་བོན་ཐོད་དཀར་ལ་ཉོན་མོངས་པའི་ཤས་མེད་པ་དང༌། རིགས་རྒྱལ་རིགས་དྲ་མ་ཆེན་པོ་ཡིན་པ་དང༌། སྔོན་སྟོན་པ་གཏོ་རྒྱལ་ཡེ་མཁྱེན་ཀྱང༌། སྐུ་འཁོར་བ་དང་མྱ་ངན་ལས་འདས་པའི་དུས་ན། མེས་པོ་དམུ་རྒྱལ་ཐེམ་པ་ལ་ཞལ་ཆེམས་བཞག་པའི་རྗེས་ཡིན་པས་ཀྱང་དགོངས་ནས་བྱོན་ནོ། །ཡུམ་ལ་དགོངས་པ་ནི། མི་ཕྱི་ལྷ་ཕྱི་ཡོ་ཕྱི་རྒྱལ་བཞད་ལ་དགོངས་ནས་བྱོན་ནོ། །དེ་ཅིའི་ཕྱིར་དགོངས་ན། ཡུམ་ཕྱི་མ་ནི་ཅི་ལྟ་བུ་ཡང་རྒྱུ་དུག་ལྔའི་ཤས་ཡོད་ན། མི་ཕྱི་ལྷ་ཕྱི་ཡོ་ཕྱི་རྒྱལ་བཞད་ནི། ལྷ་མོའི་སྐུ་ཡིན་པས། རྒྱུ་དུག་ལྔའི་ཤས་ཏིལ་འབྲུ་ཙམ་ཡང་མེད་ལ། སྙིང་རྗེའི་སེམས་དང་ལྡན་པ། བྱམས་པ་ཆེན་པོ་མངོན་པར་དགོངས་ནས་བྱོན་ནོ། །དེ་ལ་སྟོན་པས་བྱོན་ཀར་རི་རབ་རིའི་རྩེ་མོ་ལ། གསས་མཁར་ལྷ་རྩེ་དགུང་ནམ་བཞེངས་ནས། འཁོར་རྣམ་པ་གསུམ་ལ་བཀའ་བསྩལ་པ། ང་འཇིག་རྟེན་མིའི་ཡུལ་དུ། སྟོན་པའི་སྒྲོན་མ་ལ་འགྲོ་ཡིས། རྒྱལ་པོའི་སྲས་སུ་སྐྱེ་བ་ནམ་བཞེས་ཙམ་ན། ཁྱོད་རྣམས་ཀྱང་ནམ་མཁའ་ལས་ཆར་བཞིན་དུ་བོབ་ཅིང༌། ས་གཞི་ལ་རྩི་བཞིན་དུ་འཁྲུངས་ལ། འཕྲུལ་ངག་བདེན་པའི་བོན་གྱི་བསྟན་པ་དེར་སྤེལ་གྱིས་ཉན་དུ་ཤོག་ཅིག རི་རབ་ལ་གནས་པའི་དཔལ་གྱི་ལྷ་ཚངས་པ་དང༌། བརྒྱ་བྱིན་དང༌། གཡུང་དྲུང་གི་ལྷ་ཆེན་པོ་ཆེ་བཞི་དང༌། རྫུ་འཕྲུལ་གྱི་ལྷ་ལྷེའུ་རྗེ་མཆེད་བདུན་དང༌། སྲིད་པའི་ལྷ་རྒྱལ་པོ་ཆེན་པོ་བཞི་དང༌། རོལ་མཚོའི་ཀླུ་དང༌། ནམ་མཁའི་གཟའ་སྐར་ཚུན་ཆད་འདུས་ནས། བསྐོར་བ་བྱས། ལྷ་ཕྱག་བཙལ། མེ་ཏོག་ཕུལ་ནས། རི་རབ་ཀྱི་རྩེ་ལ་བཞུགས་པར་ཞུས་པས། སྟོན་པས་བཀའ་བསྩལ་པ། བདག་ཡེ་ཤེས་ཀྱི་ལྷ་གཤེན་ལྷ་འོད་དཀར་གྱི་བཀའ་བཅག་ཏུ་མི་རུང་བས། མིའི་ཡུལ་དུ་སྐྱེ་བ་བཞེས་ནས། བསྟན་པ་སྤེལ་བས། ནམ་བདག་སྐྱེ་བའི་དུས་སུ། ཁྱོད་རྣམས་ཀྱང་ནམ་མཁའ་ལས་ཆར་བཞིན་དུ་བོབ་ལ་བསྟན་པ་ལ་ཉན་དུ་ཤོག་ཅིག་གསུངས་སོ། །” ཞེས་གསུངས་སོ།། །།

སྟོན་པའི་འཁོར་ཐོག་མཐའ་བར་གསུམ་ཇི་ལྟར་བྱོན་ཚུལ།

མཛད་པ་པོ། སྟོན་པ་ཐུགས་རྗེ་ཅན། མདོ་གཟེར་མིག་གཤེན་རབ་ཀྱི་སྐྱེ་བ་བཞེས་པའི་ལེའུ་ལས། “འགྲོ་བའི་དོན་ལ་མོས་པ་རྣམས་ནི། དེའི་ཚེ་ན་སྟོན་པའི་འཁོར་དང་པོ་རུ། སྟོན་པའི་ཕྱི་བཞིན་དུ་ཆས་པ། ནམ་མཁའི་བ་དན་ཅན་དང༌། ཁྱུང་གི་རུ་མཚོན་ཅན་དང༌།...