སྔགས་ཕྱི་ནང་གཉིས་ཀྱི་ཁྱད་བོན་ཞིག་ལ་བདག་མདུན་བསྐྱེད་རིམ་གྱི་སྐབས་སུ་སེམས་དཔའ་གསུམ་འདོད་མི་འདོད་ཀྱི་སྒོ་ནས་ཁྱད་པར་ཕྱེད་དགོས་སམ།

རྩོམ་བྲིས་པ། སྲིད་པའི་མིག དྲི་བ་གཏོང་མཁན། ཉི་མ།

དྲི་བ། སྔགས་ཕྱི་ནང་གཉིས་ཀྱི་ཁྱད་བོན་ཞིག་ལ་བདག་མདུན་བསྐྱེད་རིམ་གྱི་སྐབས་སུ་སེམས་དཔའ་གསུམ་འདོད་མི་འདོད་ཀྱི་སྒོ་ནས་ཁྱད་པར་ཕྱེད་དགོས་པ་ལྟ་བུ་བཤད་པ་འདུག་པས་དེ་དོན་ཇི་འདྲ་ཡིན་ནམ།

ལན། ཐེག་འགྲེལ་གྱི་ལུང་ཚིག་འདི་རེད། “ནང་པས་ནི་ལྷ་དང་ལྷ་མོའི་དཀྱིལ་འཁོར་སེམས་དཔའ་སུམ་བརྩེགས་པ་བདག་ཉིད་ལས་མི་གཞན་པ་ཡིན་པར་སྒོམ་སྟེ་”ཞེས་པ་དེས་སྔགས་ནང་མས་སེམས་དཔའ་སུམ་བརྩེགས་སྒོམ་ཚུལ་བསྟན་ཏེ་སེམས་དཔའ་གསུམ་གཞི་ཡི་བདག་ཉིད་ཀྱི་ཀློང་ནས་མངོན་པར་བཞེངས་དགོས་པ་མ་ཟད་དེ་ལ་མཆོག་དམན་དང་། ངོ་བོ་ཐ་དད་མེད་པར་སྒོམ་དགོས་པའི་ཁྱད་པར་བསྟན་པ་ཙམ་ལས་སེམས་དཔའ་གསུམ་གྱི་སྒོམ་རིམ་དེ་ནང་པ་ཁོ་ནའི་ཡིན་པར་བསྟན་མེད། དེ་ལྟར་མིན་ན”བདག་ཉིད་ལས་མི་གཞན་པ་ཡིན་པར་སྒོམ་སྟེ་”ཞེས་གསུང་དགོས་དོན་མེད་པ་ལྟ་བུ་སྣང་། ལུང་ཚིག་དེས་སྔགས་ཕྱི་པས་ཡེ་ཤེས་སེམས་དཔའ་དེ་མ་རྒྱུད་ལས་གསུང་པ་ལྟར་རང་ལས་གཞན་དུ་འདོད་པ་དང་། སྔགས་ནང་མས་སྒོམ་སྟངས་དེ་ལས་ཁྱད་པར་འཕགས་ཚུལ་བསྟན་པ་ཙམ་རེད། །