ཧི་མ་ལ་ཡའི་བོན་དྲ་བའི་ཤིས་ཚིག

རྩོམ་བྲིས་པ།  ཧི་མ་ལ་ཡའི་བོན་དྲ་བའི་གཙོ་སྒྲུབ་པ་རིན་སྤུངས་ཚུལ་བསྟན།

བཀྲ་ཤིས་ལྷ་ཡི་དུས་བཟང་ཁྱད་པར་ཅན། །

བཀྲ་ཤིས་བོན་གྱི་དྲིས་ལན་དྲ་མཛོད་ཉིད། །

བཀྲ་ཤིས་རྟེན་འབྲེལ་དང་བཅས་འཁྲུངས་པ་ལ། །

བཀྲ་ཤིས་དགེ་ལེགས་འབུམ་གྱིས་རྟེན་འབྲེལ་ཞུ། །

འཛམ་གླིང་བོན་གྱི་གཙུག་རྒྱན་མཉམ་མེད་པ། །

འཛམ་གླིང་ཡང་རྩེར་འཁྲུངས་པའི་དུས་ཁྱད་ཉིན། །

འཛམ་གླིང་དྲ་མཛོད་ཁྱེད་ཉིད་ཕེབས་པ་ལ། །

འཛམ་གླིང་ཡོངས་ཀྱི་བསོད་ནམས་སྐལ་བ་ལགས། །

གངས་ཅན་ཞིང་གི་མེས་པོ་གཤེན་རབ་མཆོག །

གངས་རིའི་ལྗོངས་གཙོས་གདུལ་བྱའི་འགྲོ་བའི་དོན། །

གངས་བཅུད་ལྟ་བའི་ཐེག་དགུ་བོན་གྱི་མཛོད། །

གངས་དཀར་ལྷུན་པོའི་རྩེ་ནས་ཕྱོགས་སུ་འཕྲོ། །

ཞེས་༼བོན་གྱི་དྲིས་ལན་དྲ་མཛོད༽ཤར་གཏོང་གི་ཉིན་མོར་རྟེན་འབྲེལ་དུ་༼ཧི་མ་ལ་ཡའི་བོན༽དྲ་བའི་གཙོ་སྒྲུབ་པ་རིན་སྤུངས་ཚུལ་བསྟན་ནས།