སྟོན་པ་གཤེན་རབ་ཉིད་བརྒྱ་པའི་མགོན་དུ་བྱོན་ཚུལ།
རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ།
དྲི་བ། སྟོན་པ་གཤེན་རབ་ད་ལྟའི་ཚེ་ལོ་བརྒྱ་པའི་སྟོན་པར་ཇི་ལྟར་བྱོན་ནམ།
ལན། དེའང་བོན་ལུགས་སུ«མདོ་སྡེ་བསྐལ་པ་བཟང་པོ»སོགས་ལས་སངས་རྒྱས་སྟོང་དང་རྩ་གཉིས་རིམ་གྱིས་བྱོན་དགོས་པ་ལས་སྟོན་པ་འདི་ཉིད་རྣམ་འདྲེན་བརྒྱད་པ་ཡིན་ཏེ། «མདོ་འདུས»ལས། “རིམ་བཞིན་འགྲོ་དོན་འབྱུང་བ་སྟེ། །སྣང་བ་རང་བྱུང་ཐུགས་རྗེ་ཅན། །དགེ་བ་འཁོར་བ་ཀུན་འདྲེན་འགྱུར། །ཀུན་ཤེས་ཉོན་མོངས་དུག་བསྲེག་འགྱུར། །ལེགས་པ་ཚད་མེད་ཐུགས་རྗེ་ཅན། །སྙོམས་པ་ཐམས་ཅད་མཁྱེན་གཟིགས་ཅན། །བྱམས་པ་ཀུན་ཤེས་ཐང་པོར་འགྱུར། །དག་པ་གཏོ་རྒྱལ་ཡེ་མཁྱེན་དང༌། །གསལ་བ་སྟོན་པ་གཤེན་རབ་སྟེ། །ཤེས་པ་ཡེ་ནས་སྲས་བུ་ཆུང༌། །” ཞེས་དེ་རྣམས་ཀྱི་བྱོན་ཚུལ་དང་བྱོན་དུས་རྣམས་གསལ་པོར་བསྟན་ཡོད་པ་རེད། །
156800cookie-checkསྟོན་པ་གཤེན་རབ་ཉིད་བརྒྱ་པའི་མགོན་དུ་བྱོན་ཚུལ།