གཡུང་དྲུང་བོན་གྱི་ལུགས་ལ་བཟོ་རིག་པ་ཟེར་ན་གང་འདྲ་རེད། 

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ། 

ལན། བཟོ་རིག་པའི་གཞུང་དང་དེ་ལ་མཁས་པ་གང་དང་གང་བྱུང་ཞེ་ན། དེ་ལ་གཞུང་གཙོ་བོ་གསུམ་སྟེ། བསྐལ་པ་སྣང་སྲིད་འཁོར་ལོ་འབུམ་དང་། སྲིད་པ་མིའུ་རྒྱུད་ཀྱི་འབུམ། འབྱུང་བ་ཆགས་གནས་འཇིགས་སྟོང་འབུམ་བཅས་ཡིན། དེ་ལ་མཁས་པ་འཛམ་གླིང་མཁས་པའི་རྒྱན་དྲུག་སྟེ། བཟོ་ལ་མཁས་པ་བཟོ་རྗེ་ལྷ་དབང་དང་། ཕུབ་ལ་མཁས་པ་སྒྱུ་འཕྲུལ་དབང་ཕྱུག། བླུག་ལ་མཁས་པ་བླུག་ཐོག་པ་སངས། མགར་ལ་མཁས་པ་མགར་ལྷ་ཡུག་པ། ལྷ་ལ་མཁས་པ་ལྷ་སྲས་པད་མ། བྲིས་ལ་མཁས་པ་ཡི་གེ་འཕྲུལ་ཆུང་བཅས་བྱུང་ནས་རིམ་པར་ཞང་བོད་ཁམས་སུ་བཟོ་རིག་གི་བསྟན་པ་དར་བ་ཡིན། །