གནའ་བོའི་བོན་ཟེར་ན་གང་ཡིན་ནམ།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། བསྟན་རབ།

དྲི་བ། གནའ་བོའི་བོན་ཟེར་ན་གང་ཡིན་ནམ།

ལན། དེ་ནི་སྟོན་པ་གཤེན་རབ་མི་བོ་བོད་གངས་ཅན་ལྗོངས་སུ་ཞབས་མ་བཅག་པའི་གོང་གི་བོད་ཀྱི་ས་ཁུལ་རྣམས་ལ་གནས་སྐབས་ཀྱི་རྐྱེན་ཟློག་ཆེད་ལྷ་ཀླུ་དང་སྡོང་སྡེབ་ནས་གཏོ་བཅོས་བྱེད་པའི་ཡུལ་ཆོས་ཉི་ཚེ་བ་ཞིག་ལ་ཟེར། དེར་དམིགས་བསལ་གྱི་ལྟ་སྒོམ་གང་ཡང་མེད། བཟླས་སྔགས་སོགས་ལ་གཙོ་བོར་འབད་པས་ན་བོན་ཞེས་སྨྲས་པར་སེམས། འོན་ཀྱང་སྟོན་པ་གཤེན་རབ་མཆོག་གིས། ཁམས་གསུམ་སེམས་ཅན་མཉམ་པའི་ཆ་ལ་མི་བཞག་པར། གཅིག་གསོ་གཅིག་གསོད་བྱ་བའི་བོན་དེ་བདག་གིས་མི་ཤེས་སོ། །དེ་ནི་ལོག་པ་ཡིན་པས་བྱ་རུ་མི་རུང་ངོ༌། །གསུངས་པ་ལྟར། ཁོང་གིས་ཡུལ་ཆོས་དེ་དག་འཚེ་བའི་ལས་སུ་གཟིགས་ནས་རྩ་བཀག་གནང་སྟེ་གཡུང་དྲུང་གི་བོན་ལ་སྤྱོད་པར་བསྐུལ་བ་ལྟར་རིམ་བཞིན་ཡུལ་ཆོས་དེ་དག་ཕལ་ཆེར་ནུབ། །