སྤྱན་དྲངས་ཀྱང་མི་འབྱོན་པའི་མགྲོན་བཞི་དེ་གང་རེད་དམ།

རྩོམ་བྲིས་པ། རླུང་སྤྱོད། དྲི་བ་གཏོང་མཁན། ལམ་འགྲོ་བ།

དྲི་བ། སྤྱན་དྲངས་ཀྱང་མི་འབྱོན་པའི་མགྲོན་བཞི་དེ་གང་རེད་དམ།

ལན། སྤྱན་དྲངས་ན་མི་འབྱོན་པའི་མགྲོན་བཞི་ནི། རྫས་ལྔ་རིན་ཆེན་སྒྲོན་མ་ལས། “དབུས་ཀྱི་རི་བོ་མཆོག་རབ་ཀྱི་རྩེ་མོ་ནས་རི་རྩེ་རྒན་ཞེས་བྱ་བ་གླིང་བཞིའི་མི་ལ་བྱ་ར་བྱེད་ཅིང་ཡོད་པས་ཁོ་བོས་དང་འོང་མི་ཁོམ་པའོ། །རི་རབ་བང་རིམ་གཉིས་པ་ན་གནོད་སྦྱིན་ཀུ་མ་ར་ཙ་ཞེས་བྱ་བ་ལོངས་སྤྱོད་ཐམས་ཅད་འཚོགས་ཅིང་རྟག་ཏུ་མྱོས་པས་གཡེང་ནས་ཡོད་པས་བོས་དང་མི་ཐོས་པས་མི་ཡོང་ངོ་། །ལག་རིང་ཞེས་བྱ་བ་དབུས་ཀྱི་རི་བོ་མཆོག་རབ་འགྱེལ་གྱི་དོགས་ནས་མཁྱུད་ཡོད་པས་འོང་མི་ཁོམ་མོ། །རི་རབ་བང་རིམ་མ་ཐ་ཆུ་མཚམས་སུ་འབྱུང་འཛིན་ལག་ན་གཞོང་ཐོགས་ཞེས་བྱ་བ་ཁོ་ཕོ་བྲང་ཆུ་ཡིས་ཕྱར་གྱིས་དོགས་ནས་ཡོང་མི་ཁོམ་པའོ། །” ཞེས་གསུངས་སོ།།