སྟོན་པས་གསུངས་པའི་འབུམ་སྡེ་བརྒྱད་གང་ཡིན་ནམ།

སྟོན་པ་གཤེན་མི་བོས་གསུངས་པའི་འཕན་ཡུལ་འབུམ་གྱི་བོན་སྡེ་བསྟན་པ་སྟེ། རྒྱས་པའི་སྐོར་གཉིས་ནི་རྒྱས་པའི་རྒྱས་པ་བྱེ་མ་ཉི་ཁྲི་ཆུ་རྒྱུན་གྱི་འབུམ། རྒྱས་པའི་འབྲིང་པོ་གཤེན་ཆེན་ཀླུ་དགས་འབྲིག་མཚམས་མཐའ་དཀར་ནས་གཏེར་དྲངས་པའི་ཁམས་ཆེན་སྟོང་ཕྲག་བརྒྱ་པ།

འབྲིང་པོའི་སྐོར་གཉིས་ནི་འབྲིང་པོའི་རྒྱས་པ་ཨ་ཙ་ར་མི་གསུམ་གྱིས་བསམ་ཡས་ནས་གཏེར་དྲངས་པའི་འཕྱོང་འབུམ་དུམ་པ་བརྒྱད་པ། འབྲིང་པོའི་འབྲིང་པོ་གཉའ་སྟོན་གྱིས་ཤེལ་བྲག་ནས་བཏོན་པའི་ཁམས་ཆུང་དུམ་པ་དྲུག་པ།

བསྡུས་པའི་སྐོར་གསུམ་ནི་བསྡུས་པའི་རྒྱས་པ་གཉའ་སྟོན་གྱི་གཏེར་མ་རྩ་འབུམ།བསྡུས་པོའི་འབྲིང་པོ་སྤ་གྲོའི་གཏེར་མ་མདོ་འདུས། བསྡུས་པའི་བསྡུས་པ་འབྲིག་མཚམས་གཏེར་མ་ཁམས་རྩ་རྣམ་ངེས།བསྡུས་དོན་གཅིག་ནི་གཉའ་སྟོན་གྱི་གཏེར་མ་ཁམས་སྡུད་ཚིག་བཅད་མ་བཅས་སོ། །