སེང་གེ་ཉལ་སྟབས་ལ་ཕོ་མོའི་ཁྱད་ཡོད་དམ།

རྩོམ་བྲིས་པ། རྩོམ་བྲིས་པ། གཡུ་བྱ་ཁུ་བྱུག་དང་ཨར་ལྟ་བླ་མ། དྲི་བ་གཏོང་མཁན། ཁམས་རིག་གྲོལ།

དྲི་བ། ཕོ་མོ་གཉིས་ལ་སེང་གེ་ཉལ་སྟབས་བྱེད་སྟངས་སྐོར་ཁྱད་པར་ཡོད་མེད། བོན་རང་ལུགས་ཀྱི་དཔེ་ཆ་ཁུངས་མ་དེ་དག་ལས་ཁ་གསལ་གསུངས་ཡོད་དམ།

ལན། མ་རྒྱུད་ཐུགས་ཀྱི་ཡང་གབ་ཉི་མའི་རྒྱུད་ལས། ཕོའི་གཡོན་མདུན་རོ་མ། གཡས་མདུན་རྐྱང་མ། མོའི་དེ་གཉིས་མཐའ་བརྗེས་པའོ། །ཕོའི་གཡས་རྒྱབ་ཨ་དཀར། གཡོན་རྒྱབ་ཝ་དམར། མོའི་དེ་གཉིས་ཟློག་པའོ། །ཞེས་གསུངས་སོ། །དེ་བཞིན་ཤར་རྫ་རིན་པོ་ཆེ་དང་དབྲ་སྟོན་གསུང་འབུམ་སོགས་ཀྱི་ནང་ཕོ་རྩ་གཡས་ཉོན་མོངས་དང་གཡོན་ཡེ་ཤེས། མོ་རྩ་གཡས་ཡེ་ཤེས་དང་གཡོན་ཉོན་མོངས་ཡིན་ཚུལ་མང་པོ་གསུངས་ཡོད། །