ཤར་རྫ་འཇའ་ལུས་པས་གསུངས་པའི་ཆང་གི་ཉེས་དམིགས་སྐོར།

བླ་མ་དམ་པ་རྣམས་ལ་ཕྱག་འཚལ་ལོ། །

དེ་ཡང་ཆང་གི་ཉེས་དམིགས་མདོར་བསྡུ་ན། །ཆང་གིས་ཕུང་བ་གསུམ་ཡོད་དེ། །ཚེ་འདིའི་རང་སྲིད་ཕུང་། །ཕྱི་མའི་བདེ་འབྲས་ཕུང་། །ནམ་ཕུག་གི་འདུན་མ་ཕུང་། །

ཡང་ཆང་གིས་མི་མཐོང་བ་གསུམ་ཡོད་དེ། །དམ་པའི་ཡོན་ཏན་མི་མཐོང་། །རང་གི་སྐྱོན་མི་མཐོང་། །ཉེས་པའི་གནས་མི་མཐོང་། །

ཡང་ཆང་གིས་མི་དྲན་པ་གསུམ་ཡོད་དེ། །བོན་གྱི་བྱིན་རླབས་མི་དྲན། །བླ་མའི་བཀའ་དྲིན་མི་དྲན། །གྲོགས་ཀྱི་ཁ་ད་མི་དྲན། །

ཡང་ཆང་གིས་དྲན་པ་གསུམ་ཡོད་དེ། །དགྲ་ལ་ཞེ་སྡང་དྲན། །གཉེན་ལ་དགའ་གདུང་དྲན། །བུད་མེད་ལ་ཆགས་སྤྱོད་དྲན། །

ཡང་ཆང་གིས་མི་ཤེས་པ་གསུམ་ཡོད་དེ། །དགེ་བའི་ཕན་ཡོན་མི་ཤེས། །སྡིག་པའི་ཉེས་དམིགས་མི་ཤེས། །བསླབ་པའི་གནང་དགག་མི་ཤེས། །

ཡང་ཆང་གིས་ཤེས་པ་གསུམ་ཡོད་དེ། །གཞན་ལ་ངན་བྱེད་ཤེས། །ལས་ལ་སྒྱུ་བཙུད་ཤེས། །གཏམ་ལ་རྫུན་སྦྱར་ཤེས། །

ཡང་ཆང་གིས་མི་འབྱེད་པ་གསུམ་ཡོད་དེ། །བཟང་ངན་ཤན་མི་འབྱེད། །དགེ་སྡིག་གོ་མི་འབྱེད། །ཕྱི་ནང་ཆ་མི་འབྱེད། །

ཡང་ཆང་གིས་མང་བ་གསུམ་ཡོད་དེ། །ལུས་བྱ་བྱེད་མང་། །ངག་ལོང་གཏམ་མང་། །ཡིད་བསམ་དྲན་མང་། །

ཡང་ཆང་གིས་ཉམས་པ་གསུམ་ཡོད་དེ། །སོ་ཐར་གྱི་སྡོམ་པ་ཉམས། །བྱང་སེམས་ཀྱི་བསླབ་པ་ཉམས། །གསང་སྔགས་ཀྱི་དམ་ཚིག་ཉམས། །

ཡང་ཆང་གིས་ཆོར་བ་གསུམ་ཡོད་དེ། །རིག་པའི་ཚུགས་ཤོར། །གསལ་བའི་མདངས་ཤོར། །སྒོམ་པའི་དམིགས་ཤོར། །

ཡང་ཆང་གིས་ཤོར་བ་གསུམ་ཡོད་དེ། །བྱ་ཆའི་དགེ་སྤྱོད་ཤོར། །དྲན་དང་ཤེས་བཞིན་ཤོར། །དམ་ཚིག་སྡོམ་པ་ཤོར། །

ཡང་ཆང་གིས་འགག་པ་གསུམ་ཡོད་དེ། །དྲན་པའི་སྒོ་འགག །སྣང་བའི་ཡུལ་འགག །ཤེས་པའི་རྒྱུན་འགག །

ཡང་ཆང་ལ་དགོས་པ་གསུམ་ཡོད་དེ། །ཁ་ལ་དུག་ཆུ་འཐུང་དགོས། །སྣ་ལ་དུག་ཐལ་བླུག་དགོས། །གྲོགས་སུ་ནགས་མོ་བསྟེན་དགོས། །

ཡང་ཆང་གིས་བསྐྱེད་པ་གསུམ་ཡོད་དེ། །ལུས་ལ་ན་ཚ་བསྐྱེད། །སེམས་ལ་སྡུག་བསྔལ་བསྐྱེད། །ཕྱི་མའི་སྡུག་བསྔལ་བསྐྱེད། །

ཡང་ཆང་གིས་སྦྱར་བ་གསུམ་ཡོད་དེ། །རང་སྡུག་ལ་སྦྱར། །གཞན་ཕུང་ལ་སྦྱར། །གཉིས་ཀ་སྡིག་ལ་སྦྱར། །དེ་ལ་སོགས་ཀྱི་ཉེས་པ་ཐམས་ཅད་ཀྱི་གཞི་མ་ཆང་ལ་ཐུག་པས། ཆང་གིས་ཉེས་པ་བཤད་འཛད་པ་མི་འདུག་ཀྱང་རེ་ཞིག་དེ་ཙམ་ལགས།། །།