རེ་དོགས་མེད་པའི་སྨོན་ལམ་འདེབས་ཟེར་བ་འདིའི་འབྲུ་འགྲེལ་གང་ཡིན།
རྩོམ་བྲིས་པ། དགེ་བདག་མེད་འཇགས་སྐྱ་སོགས། དྲི་བ་གཏོང་མཁན། བོན་གཤེན་ཚེ་བརྟན།
དྲི་བ། རེ་དོགས་མེད་པའི་སྨོན་ལམ་འདེབས་ཟེར་བ་འདིའི་འབྲུ་འགྲེལ་གང་ཡིན་ནམ།
ལན། རེ་བ་བྱས་ཀྱང་རེ་བ་བྱས་པ་ལ་དེར་དོགས་པ་བྱས་ནས་འགྲུབ་ཡོང་ངམ་མི་ཡོང་སྙམ་པ་ལ་རེ་དོགས་ཟེར། ད་དུང་ཁ་གསལ་བྱས་ན། གཏམ་དཔེར། རེ་བས་གཞན་ཕུང་། དོགས་པས་རང་ཕུང་། ཟེར་བ་ལྟར་གཞན་ལ་རེ་བཅོལ་ཞུས་པ་དེ་ལ་གཞན་གྱིས་སྒྲུབ་ཐུབ་པར་རང་ངོས་ནས་གཞན་ལ་དོགས་པ་བྱེད་མི་ཉན་པ་འདྲ་བོར་གོ་ཆོག
_____དགེ་བདག་མེད་འཇགས་སྐྱ་ནས།
ལན། རེ་བ་བཅོལ་བའི་སྨོན་ལམ་ནི་རང་ཉིད་ལས་མཐོ་བའི་ལྷ་དང་བླ་མར་རང་གིས་བསྒྲུབ་མི་ཐུབ་པའི་བྱ་བ་ག་གེ་མོ་ཞིག་རེ་བ་བཅོལ་བ་སྟེ་སྨོན་ལམ་བཟང་པོ་བཏབས་ནས་རེ་བ་འགྲུབ་ཐབས་བྱེད་པ།
_____ཧོར་འབྲོག་པ་ནས།
ལན། རེ་དོགས་མེད་པ་ཞེས་པ་དེ་སྔོན་མ་ཇི་ལྟར་གསུངས་པ་དེ་ལ་ཕྱི་མར་འབྲས་བུ་བཟང་པོ་དེ་ལྟ་བུ་འཐོབ་པའི་ཆེད་དུ་སེམས་ནང་ཐེ་ཚོམ་གང་ཡང་མེད་པའི་སྒོ་ནས་དམིགས་ཏེ་འབྲས་བུ་རྣམ་པར་རྒྱལ་ཡོང་བ་ཞིག་ལ་གོ་བ་འདུག་བསམ།
_____དྭང་ར་བ་ནས།