འདུལ་བསྟན་སྔ་དར་སྐབས་སུ་འཁོར་སྡེ་བཞི་ཡ་བརྒྱད་ཅེས་པ་གང་དང་གང་རེད།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། མྱི་གངས་དཀར།

དྲི་བ། འཁོར་སྡེ་བཞི་ཡ་བརྒྱད་དུ་ཕྱེས་ཏེ་བོན་སྡེ་རྣམས་གཏན་ལ་ཕབས་ཞེས་པའི་འཁོར་སྡེ་བཞི་ཡ་བརྒྱད་དེ་གང་དང་གང་ཡིན་ནམ།

ལན། སྟོན་པས་གདུལ་བྱ་དཀྲི་དྲངས་བྱ་བའི་ཕྱིར་དུ་འཁོར་སྡེ་བཞི་ཡ་བརྒྱད་དུ་ཕྱེས་ཏེ། སྡེ་བཞི་པ་ནི་བཀའ་གཞུང་ཉན་བཤད་པའི་སྡེ། རི་ཁྲོད་ཅོག་པུའི་སྡེ། ཤིང་དྲུང་མི་རྟག་པའི་སྡེ། བྲག་དགོན་བཀའ་ཐུབ་ཀྱི་སྡེ་དང་བཞི་ཡིན་ལ། ཡ་བརྒྱད་ནི། དྲང་སྲོང་ཕོ་མོའི་སྡེ། གཙང་མ་གཙུག་ཕུད་ཕོ་མོའི་སྡེ། ཚུལ་གནས་དགེ་བསྙེན་ཕོ་མོའི་སྡེ། བསྙེན་གནས་ཡན་ལག་ཕོ་མོའི་སྡེ། སྡེ་བཞི་ལ་ཕོ་མོ་གཉིས་གཉིས་སུ་ཕྱེ་བས་བརྒྱད་ཡིན་ནོ།། །།