ཚེ་ལོ་བརྒྱ་པའི་བོན་གྱི་བསྟན་པ་འདི་ག་ཚོད་བར་གནས་སམ།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། བསྟན་རབ།

དྲི་བ། ཚེ་ལོ་བརྒྱ་པའི་བོན་གྱི་བསྟན་པ་འདི་ག་ཚོད་བར་གནས་སམ།

ལན། དེའང་ཀུན་མཁྱེན་ཉི་མ་བསྟན་འཛིན་དབང་གི་རྒྱལ་པོའི་བསྟན་རྩིས་ལས། བསྟན་པ་ཇི་ཙམ་གནས་སྙམ་ན། དེ་སྔོན་སངས་རྒྱས་བརྒྱ་པའི་མགོན་པོ་དེ་ཉིད་ཀྱི་སྐུ་བསྟན་ཁྲི་གཅིག་དང་། གསུང་བསྟན་བདུན་སྟོང་དགུ་བརྒྱ་བདུན་ཅུ་དོན་བདུན་སོང་(བསྟན་རྩིས་མཛད་ལོ་བར་)བ་ཡིན་པས། ཕྱིན་ཆད་ལྕགས་གླང་ནས་བཟུང་ཉིས་སྟོང་དང་ཉེར་གསུམ། དེ་སྟེང་ཐུགས་ཀྱི་བསྟན་པ་ཁྲི་ཕྲག་གཅིག་བཅས་རྫོགས་པའི། ཆུ་མོ་ཕག་གི་ཧོར་ཟླ་བཅུ་གཉིས་པའི་གནམ་སྟོང་ལ། ཚེ་ལོ་བཅུ་པར་ཐུག་ཅིང་རྣམ་མཁྱེན་རྒྱལ་བ་གཤེན་རབ་ཀྱིས་འགྲོ་དོན་མཐར་ཕྱིན་པའོ། །ཞེས་གསུངས་སོ།།