མཁའ། ཀློང་། དབྱིངས། གསུམ་གྱི་འགྲེལ་བཤད་ཇི་ལྟར།

རྩོམ་བྲིས་པ། ཡེ་ཤེས་རྒྱལ་བ་སོགས། དྲི་བ་གཏོང་མཁན། ཧི་མ་ལ་ཡའི་རྒྱལ་སྲས།

དྲི་བ། མཁའ། ཀློང་། དབྱིངས། གསུམ་གྱི་འགྲེལ་བཤད་ཇི་ལྟར།

ལན། མཛོད་སྒྲ་འགྲེལ་འཕྲུལ་གྱི་ལྡེ་མིག་ལས། “དོན་དམ་ངོ་བོ་སྟོང་པ་ལ་དབྱེར་མེད་པས་དབྱིངས། རང་བཞིན་བརྡ་དོན་ཡང་འགག་པ་མེད་པས་ན་མཁའ། གོ་དོན་མཚན་ཉིད་ལ་གཉིས་སུ་མེད་པས་ཀློང་། དེ་ལྟར་མཁའ་ཀློང་དབྱིངས་དང་གསུམ་དུ་སྤྱི་རྒྱ་རླབས་ཀྱིས་བཅད་དོ།” ཞེས་གསུངས་སོ།།

_____ཡེ་ཤེས་རྒྱལ་བ།

ལན། མཁའ་ཀློང་དབྱིངས་གསུམ་ནི། གསང་སྔགས་ནང་པའི་སྐད་དེ། སྣང་བ་ལ་མཁའ། སྟོང་པ་ལ་ཀློང་། སྣང་སྟོང་དབྱེར་མེད་ལ་དབྱིངས་ཞེས་བྱ་བ་ཡིན་ཏེ། འགྲེལ་བཞི་རིག་པའི་རྒྱ་མཚོ་ལས། “ཨ་དཀར་བའི་ལྟ་བ་བསྟན་པའི་སྐབས། སྣང་བ་འདི་ལྷ་དང་ལྷ་མོ་མཁའ། དེ་ལ་རང་བཞིན་མེད་པར་ཤེས་པ་དེ་ཀློང་། ཞེས་དང་། སྣང་སྟོང་དབྱེར་མེད་པ་ནི། མཚན་མ་དང་བྲལ་བའི་དབྱིངས་སོ།།” ཞེས་སོགས་གསུངས་པས་ངེས་སོ།།

_____དགེ་བཛྲ་གུ་རུ།