མཁན་པོ་མི་བརྗེད་པའི་རྟགས་བཞི་ཞེས་པ་གང་ཡིན་ནམ།

བཀའ་དྲི་གནང་མཁན། གཡུ་རྩེ་སྔོན་མོ།

མཁན་པོ་མི་བརྗེད་པའི་རྟགས་བཞི་ནི། བོན་གྱི་ལོ་རྒྱུས་སོགས་སུ་གསལ་བ་ལྟར་ཤམ་ཐབ་ཀྱི་ཀ་བ་སྔོན་པོ། ཐང་པའི་སྣས་ཚ་སྔོན་པོ། པད་ཞུའི་དབུ་རྩེ་སྔོན་པོ། གདིང་བ་གཡུ་མདངས་སྔོན་པོ་བཅས་སོ། །མདོ་སྨད་རྨ་རི་དེལ་ལ་འགོག་པ་བཞུགས་པའི་མུ་ཟིའི་རྗེས་སུ་འདུལ་རྒྱུད་པ་བླ་མུ་ཐུར་དགོངས་པ་རབ་གསལ་གྱིས་གཙང་གི་མི་བཞི་དང་། དབུས་ཀྱི་མི་གསུམ་ལ་སོར་ཐར་གྱི་སྡོམ་པ་གནང་སྐབས་མཁན་པོ་མི་བརྗེད་པའི་བཀའ་རྟགས་བཞི་འདི་བཞག་པར་གྲགས། དེ་ལྟར་མ་འབྱོར་ན་སྐུད་པ་སྔོན་པོས་ལྷན་ཚུགས་སུ་ཚེམས་དགོས་ཚུལ་ཡང་གསུངས།།