མ་རྒྱུད་ཀྱི་འགྲེལ་དབུ་འཆད་ལས་ལུས་འཆད་ཕུན་ཚོགས་སོགས་གསུངས་པ་རྣམས་གང་ཡིན།

རྩོམ་བྲིས་པ། Cicheng317306 དྲི་བ་གཏོང་མཁན། འོད་སྒོང་དཀར་པོ།
དྲི་བ། མ་རྒྱུད་ཀྱི་འགྲེལ་དབུ་འཆད་ལས། ལུས་འཆད་ཕུན་ཚོགས་བཅུ། རྒྱུད་འཆད་རྩ་བ་གསུམ་སོགས་གང་ལ་ངོས་འཛིན་དགོས་སམ། དེ་ཡི་སྐོར་གཞི་འགྲེལ་དང་ལམ་འགྲེལ། འབྲས་འགྲེལ་གང་དུ་གསལ་ལམ།
ལན། མ་རྒྱུད་འགྲེལ་གྱི་དབུ་འཆད་ལས། དབུ་འཆད་སྦྱོར་བ་བཞི། ལུས་འཆད་ཕུན་ཚོགས་བཅུ། རྒྱུད་འཆད་རྩ་བ་གསུམ་སོགས་བསྟན་པ་རྣམས་གཤམ་བཀོད་ལྟར་མིན་ནམ་སྙམ།

དབུ་འཆད་སྦྱོར་བ་བཞི་ནི།

༡ བརྡ་འཇལ་སྐད་ཀྱི་སྦྱོར་བ། ༢ མཚོན་བྱེད་མཚན་གྱི་སྦྱོར་བ། ༣ ཚོགས་བསགས་ཕྱག་གི་སྦྱོར་བ། ༤ སྡུད་བྱེད་རྒྱུད་པའི་སྦྱོར་བ།  (འདི་རྣམས་དབུ་འཆད་དུ་གསལ)

ལུས་འཆད་ཕུན་ཚོགས་བཅུ་ནི།

༡ དུས་ཕུན་སུམ་ཚོགས་པ། (རྒྱུད་ལས། འདི་སྐད་བདག་གིས་ཐོས་པའི་དུས་གཅིག་ན། ཞེས་སོགས་ཀྱིས་བསྟན)
༢ གནས་ཕུན་སུམ་ཚོགས་པ། (རྒྱུད་ལས། བོན་ཉིད་མི་འགྱུར་་་སོགས་ནས་་་ཀློང་གུར་ན། ཞེས་པའི་བར་གྱིས་བསྟན)
༣ སྟོན་པ་ཕུན་སུམ་ཚོགས་པ། (རྒྱུད་ལས། སྟོན་པ་ཀུན་ཏུ་བཟང་པོ་གསང་མཆོག་རྒྱལ་པོ་སྟེ། ཞེས་པས་བསྟན)
༤ ཡོན་ཏན་ཕུན་སུམ་ཚོགས་པ། (སྐུ་སྣང་ལ་རང་བཞིན་མེད་པ་་་ཞེས་སོགས་ནས་་་ལྷུན་གྱིས་གྲུབ་པ་དེ་་ཞེས་སོགས་ཀྱིས་བསྟན)
༥ འཁོར་ཕུན་སུམ་ཚོགས་པ། (རྒྱུད་ལས། འཁོར་ཕྱོགས་བཅུ་་་སོགས་ནས་་བསམ་དུ་མེད་པ་ལ། བར་གྱིས་བསྟན)
༦ བཀའ་ཕུན་སུམ་ཚོགས་པ། (རྒྱུད་ལས། བདུད་རྩིའི་ཆུ་རྒྱུན་་་སོགས་ནས་་་རྒྱུད་གསུངས་སོ།། བར་གྱིས་བསྟན)
༧ ཡོ་བྱད་ཕུན་སུམ་ཚོགས་པ། (རྒྱུད་ལས། དེ་ནས་་སོགས་ནས་་བཤམ་ནས་་ཞེས་སོགས་ཀྱིས་བསྟན)
༨ མགྲོན་ཕུན་སུམ་ཚོགས་པ། (རྒྱུད་ལས། ལྷ་འཁོར་གསས་འཁོར་བསམ་དུ་མེད་པ་ལ་་ཞེས་སོགས་ཀྱིས་བསྟན)
༩ འབྲས་བུ་ཕུན་ཚོགས་པ། ( རྒྱུད་ལས། དབྱིངས་སུ་གྲུབ་པའི་རྫོགས་སངས་རྒྱས། ཞེས་སོགས་ཀྱིས་གོ་འམ་སྙམ)
༡༠ དོན་ཕུན་སུམ་ཚོགས་པ། (རྒྱུད་ལས། གདུལ་བྱ་ཚེ་གཅིག་་་སོགས་ནས་་་འབྲས་བུ་ད་ལྟ་ཐོབ་པའི་བླ་མེད་དོན། སོགས་ཀྱིས་གོའམ་སྙམ)

(གྲངས་བཅུ་ནི་དཔལ་གྱི་ཁམས་འགྲེལ་ལྟར་རོ།།)

རྒྱུད་འཆད་རྩ་བ་གསུམ་ནི།

རྒྱུད་གསུམ་སྟེ། (རྒྱུད་ལས། གཞི་དྲུག་སོགས་ནས་་་རྩ་བ་འདི་ལས་ལྷག་ལུས་གཞན་མེད་དོ།། ཞེས་པའི་བར་གྱིས་བསྟན་ནོ་སྙམ།)