བོན་ལུགས་སུ་ལུང་གིས་ཟིན་པའི་རོལ་མོའི་དབྱེ་བ་ཇི་ཙམ་ཡོད།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤར་སྐྱེས་གངས་བུ།

བོན་ལུགས་སུ་ལུང་གིས་ཟིན་པའི་རོལ་མོའི་དབྱེ་བ་ཇི་ཙམ་ཡོད་པ་གྲངས་སུ་ངེས་པ་དེ་འདྲ་བརྗོད་མི་ཐུབ་ཀྱང་། མདོ་དྲི་མེད་གཟི་བརྗིད་ལས། སྟོན་པ་ཡུལ་གཞན་དུ་བོན་འཆད་ཕེབས་སྐབས་འཁོར་རྣམས་ཀྱིས་བསུ་བ་ཞུ་བའི་རོལ་མོའི་རྣམ་གྲངས་མང་པོ་ཞིག་བསྟན་ཡོད་པ་དཔེར་ན། ལས་ལས་ནི་དུང་འབུད་དོ། །ལས་ལས་ནི་རྔ་བརྡུང་ངོ། །ལས་ལས་ནི་གཤང་བཀྲོལ་ལོ། །ལས་ལས་ནི་གླིང་བུ་འབུད་དོ། །ལས་ལས་ནི་པི་ཝང་བཀྲོལ་ལོ། །ལས་ལས་ནི་འདམ་བུ་ར་འབུད་དོ། །ལས་ལས་ནི་ཅག་པར་རྡེབ་བོ། །ལ་ལས་ནི་ཅིང་ཆེན་སྒྲོག་གོ། །ལ་ལས་ནི་ཅོང་ཆེན་བརྡུང་ངོ་། །ལ་ལས་ནི་བིང་ཆེན་སྒྲིལ་ལོ། །ལ་ལས་ནི་གྷ་དྷ་གྷ་རུ་འཁྲོལ་ལོ། སོགས་གསུངས་པར་གཞིག་ན་རོལ་མོའི་རྣམ་གྲངས་མང་པོ་ཞིག་ཡོད་པ་རྟོགས་ནུས་སོ། །