བོན་ལུགས་སུ་གླུ་གར་སོགས་ལ་རིགས་ཇི་ཙམ་ཡོད་དམ།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ།

ལན། སྤྱིར་འགྲོ་བའི་ཁམས་དང་མོས་པ་ལ་བརྟེན་ནས་རིགས་དུ་མ་ཞིག་ཡོད་ཆོག་ཀྱང་བོན་གཞུང་རྣམས་སུ་ཚིག་གིས་ཟིན་པ་ནི། མདོ་ལས། འཁོར་རྣམས་ཀྱིས་རོལ་མོ་སྣ་ཚོགས་པ་བསྒྱུར་ཏེ། དར་ཕྱར་རོ། །དུང་འབད་དོ། །རྔ་བརྡུང་ངོ་། །གཤང་བཀྲོལ་ལོ། །གླིང་བུ་འབུད་དོ། །པི་ཝང་བཀྲོལ་ལོ། །ཅིང་ཆེན་སྒྲོགས་སོ། །ཅང་ཆེན་བརྡུང་ངོ་། །ཅག་པར་བརྡབས་སོ། །གོང་བསྒྱུར་རོ། །སྒོང་སྤོར་པ་དང་། སྒོང་རྩེའོ། །ཤོན་ཁྲབ་བོ། །གར་བྱེད་དོ། །བྲོ་བརྡུང་ངོ་། །གླུ་དབྱངས་ལེན་ནོ་ཞེས་གསུངས་པ་ལྟར་རིགས་ཆེས་མང་བར་སྣང་ངོ་། །