བོན་ལུགས་ལ་ལྷ་རམས་པ་ཟེར་བ་ཡོད་དམ།

རྩོམ་བྲིས་པ།  དགེ་བཛྲ་གུ་རུ་དང་ལྐོག་མིག དྲི་བ་གཏོང་མཁན། ཧི་མ་ལའི་ཕོ་ཉ།

དྲི་བ། བོན་ལུགས་ལ་ལྷ་རམས་པ་ཟེར་བ་ཡོད་དམ།

ལན། སྤྱིར་བཏང་ཐ་སྙད་འདི་ལྷ་ལྡན་སྨོན་ལམ་ཆེན་མོའི་གྲྭ་སྐོར་དམ་བཅའ་མཐར་ཕྱིན་ནས་ཐོབ་པའི་དགེ་བཤེས་ཀྱི་གོ་མིང་ཞིག་ཡིན་པ་འདྲ། དེའང་དུང་དཀར་ཚིག་མཛོད་ལྟར་ན། པཎ་ཆེན་སྐུ་འཕྲེང་བཞི་པ་བློ་བཟང་ཆོས་ཀྱི་རྒྱལ་མཚན་གྱིས་དབུས་གཙང་དམག་འཁྲུག་གི་ལོ་ཤས་རིང་དགའ་ལྡན་ཁྲི་ཚབ་གནང་སྐབས། གདན་ས་གསུམ་གྱི་དགེ་བཤེས་སློབ་གཉེར་བཟང་གྲས་ནང་ནས་ལྷ་ས་སྨོན་ལམ་ཆེན་མོའི་རིང་གཞུང་ཆེན་པོ་ལྔའི་བགྲོ་གླེང་དམ་བཅའ་འཇོག་པའི་སྲོལ་བཏོད་པ་ནས་ ’’ལྷ་ལྡན་རབ་འབྱམས་པ་’’ སྟེ་མིང་བསྡུས་པས་ལྷ་རམས་པ་ཞེས་འཐོག་པ་གསལ་བ་ལྟར་ན་དོན་དངོས་ལ་དགེ་ལྡན་ཕྱོགས་ཀྱི་ཐུན་མོང་མ་ཡིན་པའི་གཞུང་ལུགས་རབ་འབྱམས་པའི་མཚན་གནས་དམིགས་གསལ་བ་ཞིག་ཡིན་པ་འདྲ་སྙམ། །