བོན་གྱི་སྒྲ་རིག་པའི་བྱུང་ཁུངས་སུ་ཡིན་ནམ། 

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ། 

ལན། ཐོག་མར་སྟོན་པ་གཤེན་རབ་མཆོག་གིས་རིག་པའི་གནས་ལྔའི་ནང་ཚན་སྒྲ་རིག་པའི་བདག་པོ་ཡེ་མཁྱེན་སྒྲ་ལྷའི་རྒྱལ་པོའི་དགོངས་པ་བཞིན་སྒྲ་ཚད་ཀྱི་འབུམ་གསུམ་གསུངས་པ་ནི། ལྷ་སྲིན་གྱི་འཁྲུག་འབུམ་ནག་པོ། སྒྲ་ཚད་རྩོད་འབུམ་ཁྲ་བོ། དག་པ་ལྷ་འབུམ་དཀར་པོ་གསུམ་ཡིན་ཏེ། ཐུགས་སྲས་རྨ་ལོ་རབ་ཏུ་དྭངས་པ་དང༌གཡུ་ལོ་གཡི་ཡི་ཟུར་ཕུད་ཅན་གཉིས་ལ་གཏད། དེ་ནས་སྒྲ་ལ་སྐད་འགྱུར་སོ་སོར་སྟོན་པའི་མདོ་དང༌ཚད་མ་ལ་སྡེ་བདུན་བཅས་གསུངས་ནས་ཞང་བོད་ཀུན་ཏུ་དར། སྐབས་དེར་ཞང་བོད་ཀྱི་ལོ་ཙཱ་བ་ཆེན་པོ་སད་ནེ་གའུ་སོགས་ཀྱིས་སྒྲ་བསྒྱུར་དང་བསྟན་སྤེལ་མང་དུ་མཛད། དེ་བཞིན་ཕྱིས་སུ་རིམ་པར་ཤ་རིའི་སྒྲ་མདོ་དང་དྲན་པའི་སྨྲ་སྒོ་སོགས་བོད་གངས་ཅན་ལྗོངས་སུ་སྒྲ་ཡི་རིག་གནས་དར་བ་ཡིན། །