བོད་ཡུལ་དུ་ལུང་གིས་ཟིན་པའི་བོན་གྱི་གནས་རི་གང་དང་གང་ཡོད།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། མྱི་གངས་དཀར།

ལན། དེ་དག་གི་སྐོར་རྩ་རྒྱུད་ཉི་ཟེར་སྒྲོན་མ་ལས། “ དེ་ནས་སྟོན་པ་རི་(བོད་ཀྱི་ཡུལ་གྱི)གཉན་མགུར་ལྷ་བཅུ་གསུམ་ལ་སོགས། པོམ་ར། གླང་ཆེན་འགྱིང་བ། རི་བོ་རྩེ་ལྔ་། རི་བོ་ཏ་ལ། མུ་རྡོ་ལྷ་གཉན། ཐོ་ལ་རྨོག་མགོ། སྤོ་ནེ་རི་བཀྲ། སྨུག་པོ་རི། ཐང་ལྷ། ཡར་ལྷ། གནམ་མཚོ་ལ་སོགས་ཞབས་ཀྱིས་བཅག བཀའ་རྟགས་ཕྱག་རྒྱ་རེ་བཞག་པས། བོད་ཀྱི་ས་སྐོར་དུ། ནམ་ཡང་བོན་གྱི་བསྟན་པ་མི་འགྱུར་བརྟན། ” སོགས་ལ་བརྟག་ན་བོད་ཡུལ་ཁུལ་གྱི་གནས་རི་ཇི་སྙེད་ཅིག་ལ་སྟོན་པ་ཉིད་སྐུ་དངོས་སུ་ཞབས་བཅག་ཡོད་པའི་ལོ་རྒྱུས་ཡོད་དོ།། །།