བསམ་དཀར་གྱི་ཀ་རྩོམ།

རྩོམ་བྲིས་པ།  གར་ཚ་དགེ་བཤེས་གཡུང་དྲུང་རྒྱལ་མཚན།

ཀ་ཡི་གསོན་དང་།

ཁ་བ་ཅན་ཚོ།

ག་ནས་བལྟས་ན།

ང་ཚོའི་སྐད་ཡིག

ཅ་ཅོལ་འདྲེས་པ།

ཆ་བཞག་མེད་པ།

ཇ་ཆང་འདྲེས་འདྲ།

ཉ་ཉོག་འདི་ལ།

ཏ་ལེར་བལྟས་ན།

ཐ་མར་སླེབས་འདུག

ད་ནས་བཟུང་སྟེ།

ན་ཚོད་རྒས་ཀྱང་།

པ་ལོ་དཀར་ཡང་།

ཕ་སྐད་འདི་ལ།

བག་ཆགས་ཞོག་དང་།

མ་འོང་རྗེས་རབས།

ཙ་མེད་ཧྲི་ཙ།

ཚ་བོ་ཚ་མོས།

ཛ་ཡའི་གསུང་རབ།

ཝ་ལེར་མཇལ་ཆོག

ཞ་གོས་ལྷམ་གསུམ།

ཟ་འཐུང་སྤྱོད་གསུམ།

འ་འོར་མ་ཆེ།

ཡ་མེད་ནད་ཡམ།

ར་བ་ཅན་གྱི།

ལ་ལུང་ཀུན་ལ།

ཤ་ལེར་ཁྱབ་འདུག།

ས་སྟེང་མི་རྣམས།

ཧ་གོའི་ཆེད་དུ།

ཨ་མཚར་བྲིས་སོ།

དགེ་མིང་གཡུང་རྒྱན་པས།