གཡུང་དྲུང་བོན་གྱི་ལུགས་ལ་གྲོལ་ལམ་རྫོགས་པ་ཆེན་པོའི་ཐེག་པ་ཟེར་ན་གང་རེད་དམ།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ།

དྲི་བ། གཡུང་དྲུང་བོན་གྱི་ལུགས་ལ་གྲོལ་ལམ་རྫོགས་པ་ཆེན་པོའི་ཐེག་པ་ཟེར་ན་གང་རེད་དམ།
ལན། དེ་ནི་གཙོ་བོར་གདུལ་བྱ་དབང་རྣོན་བློ་རིག་གསལ་བ་རྣམས་ལ་ལྟོས་ཏེ་ཉོན་མོངས་པ་རྣམས་ལ་དགྲ་གཉེན་གང་དུའང་མི་ལྟ་བར་བཅོས་མེད་རང་སར་བཞག་པས་ན་གྲོལ་ལམ་དང་། སྟོང་སངས་ཁྱབ་བདལ་ནམ་མཁའ་ལྟ་བུ་གསལ་སྟོང་ཐིག་ལེ་ཉག་གཅིག་དེ་ལ་འཁོར་འདས་ཤེས་བྱ་ཐམས་ཅད་རྫོགས་ཤིང་ལམ་ལྔ་དང་ས་བཅུའི་ཡོན་ཏན་ཀུན་རྫོགས་པས་རྫོགས་པ་ཆེན་པོའོ།། གཞུང་ནི། ཞང་ཞུང་སྙན་བརྒྱུད་བཀའ་རྒྱུད་སྐོར་བཞི་དང་། ཡེ་ཁྲི་མཐའ་སེལ། བསྒྲགས་པ་སྐོར་གསུམ། བྱང་སེམས་གབ་པ་དགུ་སྐོར་བཅས་རྫོགས་པ་ཆེན་པོའི་གཞུང་བཞི་སོགས་ཀྱིས་མཚོན་གྲངས་མང་བཞུགས།