གཡུང་དྲུང་བོན་གྱི་ལུགས་ལ་དཔོན་གསས་བླ་སྤྲུལ་གྱི་ཕེབས་རབས་ཇི་ལྟར་ཡིན།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ།

ལན། དེང་གི་དུས་སུ་བོན་ལུགས་སུ་བླ་མ་གཙོ་བོ་སུ་ཡིན་ཞེ་ན། གདུང་རྒྱུད་བླ་མའི་གཙོ་བོ་༧རྒྱལ་བ་གཤེན་གྱི་གདུང་སྲས་གཤེན་སྲས་ནོར་བུ་དབང་རྒྱལ་རིན་པོ་ཆེ་ད་ལྟར་བོད་ལ་ཞལ་བཞུགས་པ་དང་། སྒྲུབ་རྒྱུད་དམ་འདུལ་རྒྱུད་བླ་མའི་གཙོ་བོ་ཞྭ་དཀར་བསྟན་པའི་བདག་ཉིད་༧རྒྱལ་བ་སྨན་རིའི་མཁན་རབས་སོ་གསུམ་པ་ལུང་རྟོགས་པའི་ཉི་མ་རིན་པོ་ཆེ་མཆོག་དང་། སྨན་རིའི་༧ཡོངས་འཛིན་སློབ་དཔོན་མཁས་དབང་བསྟན་འཛིན་རྣམ་དག་རིན་པོ་ཆེ་རྣམ་གཉིས་ད་ཆར་བཙན་བྱོལ་དུ་ཞལ་བཞུགས། དེ་བཞིན་བྲུ། ཞུ། སྤ། རྨེའུ། དམ་པ་ཁྱུང་། མདོ་སྨད་ཞིག་པོ་བཅོ་བརྒྱད་སོགས་ཀྱི་རྒྱུད་པ་གསེར་རིའི་ཕྲེང་བ་བཞིན་བཞུགས་ཡོད། །