གཡུང་དྲུང་བོན་གྱི་ལུགས་ལ་བསང་གསོལ་དར་འཛུག་སོགས་ཇི་ལྟར་ཡིན་ནམ།

རྩོམ་བྲིས་པ། རྩོམ་སྒྲིག་པ། དྲི་བ་གཏོང་མཁན། ཤེས་རབ།

ལན། བདག་ཅག་གི་སྟོན་པ་ཐུགས་རྗེ་ཅན་དེ་ཉིད་ཀྱིས་ཐེག་པ་གཉིས་པ་སྣང་གཤེན་གྱི་བོན་སྒོའི་སྐབས། རྩི་ཤིང་དང༌། ཞུགས་ཤང༌། གསེར་སྐྱེམས། ནམ་རྒྱང༌། ཤིང་རིས། བལ་ཚོན་སྣ་ལྔ། གསེར་གཡུ། དར་ཟབ་སོགས་ཕུན་སུམ་ཚོགས་པའི་ཡོ་བྱད་བསགས་ཏེ་ལྷ་བསང་དང༌། མནོལ་གསང༌། གྲིབ་བསང༌། བཙོག་བསང་བཅས་བསང་གི་རྣམ་གྲངས་དུ་མ་ཞིག་གཏན་ལ་ཕབ་པ་ནས་བསང་གསོལ་ལྷ་མཆོད་ཀྱི་ཤེས་རིག་འདི་ཉིད་དབུ་བརྩམས་པ་དང་། ལྷག་ཏུ་སྟོན་པ་རྫོགས་པའི་སངས་རྒྱས་དེ་ཉིད་བོད་གངས་ཅན་གྱི་ཞིང་འདིར་ཕེབས་གནང་སྐབས་བོད་ཀྱི་བོན་པོ་རྣམས་ལ་ཡར་ལྷ་གསོལ་བ་དང༌། མར་གླུད་བཀར་བའི་ཐབས་རྒྱུ་བོན་ཕྲན་ཚེགས་རེ་བསྟན་པ་ནས་རིམ་བཞིན་བོད་མིའི་རྒྱུན་ལྡན་གྱི་འཚོ་བའི་ཁྲོད་བསང་གསོལ་དང་ཀླུང་རྟ་གཏོང་བ་ནི་མེད་དུ་མི་རུང་བའི་ཆ་རྐྱེན་ཞིག་ཏུ་གྱུར།།