གཡུང་དྲུང་བོན་གྱི་ལུགས་ལ་གཏོ་སྐུ་རིམ་ཇི་ལྟར་ཡིན།

རྩོམ་བྲིས་པ།  རྩོམ་སྒྲིག་པ། དྲི་བ་གཏོང་མཁན། ཤེས་རབ།

ལན། དེ་ཡང་ཀུན་སྒྲོལ་རླུང་ལྷའི་རྒྱུད་ལས། རིག་པའི་གཞུང་དེ་དག་ཇི་སྙེད་ཤེས་པར་བསྒྲུབ་ནས་སྣང་སྲིད་ཀྱི་གཏོ་འབུམ་ནག་པོས་ཕྱི་རོལ་གྱི་ཞི་བདེར་བཅོས། ཞེས་གསུངས་པའི་གཏོ་ལ་གཙོ་བོ་རྣམ་པ་བཞི་རུ་འདུས་ཏེ། འབྱུང་བ་འཁྲུགས་པའི་ཡོ་གཏོ་དང་། མདོས་ཆ་རྟེན་འབྲེལ་བརྡོག་གཏོ་དང་། བག་ཉན་བཟློག་པའི་ཐུན་གཏོ་དང་། མཉམ་གཉིས་བསོར་བའི་བརྗེ་གཏོ་དང་བཞིའོ། དེ་དག་ལས་འདྲེ་གདོན་གྱི་གེག་སེལ་བའི་ཟློག་བཅོས་དང་། འཆི་བདག་ལས་སྲོག་བསླུ་བའི་ཚེ་སྒྲུབ། ལོངས་སྤྱོད་ཀྱི་འཕེལ་ཁ་རྒྱས་པའི་ཕྱྭ་གཡུང་འགུག་པ་སོགས་བྱེ་བྲག་གཏོ་ཐབས་སུམ་བརྒྱ་དྲུག་ཅུ་ལྷག་ཞིག་ཡོད་པར་གསུངས།།