གནས་མཆོག་བོན་རི་རིག་གནས་འབྱུང་ཁམས་ཁུལ་དུ་བཙུད་པ།

རྩོམ་བྲིས་པ།  ལྷ་གཡག་རག་པ།

གནས་མཆོག་༼བོན་རི་ཆེན་མོ༽རྫོང་རིམ་པའི་རིག་གནས་འབྱུང་ཁམས་ཚོད་ལྟ་སྲུང་སྐྱོབ་ཁུལ་དུ་བཙུད་པའི་ཡིག་ཆ།

ཉིང་ཁྲི་རྫོང་རིག་གནས་རྒྱང་སྒྲོག་གློག་བརྙན་བརྙན་འཕྲིན་ཅུས།

ཁྱེད་ཚོའི་ཅུས་ཀྱིས་ཡར་ཞུ་བྱས་པའི༼ཀོང་པོ་བོན་རི༽རྫོང་རིམ་པའི་རིག་གནས་འབྱུང་ཁམས་ཚོད་ལྟ་སྲུང་སྐྱོབ་ཁུལ་དུ་བཙུད་རྒྱུའི་ཆོག་མཆན་ཡི་གེ་དང་ལེན་བྱས་ཤིང་། རྫོང་སྲིད་གཞུང་གིས་ཞིབ་འཇུག་བྱས་པ་བརྒྱུད་ད་ལྟ་དངོས་སུ་ཆོག་མཆན་གནང་བ་གཤམ་ལྟར།

གཅིག རྩ་དོན་ནི༼ཀོང་པོ་བོན་རི༽ རྫོང་རིམ་པའི་རིག་གནས་སྐྱེ་ཁམས་ཚོད་ལྟ་སྲུང་སྐྱོབ་ཁུལ་དུ་བཙུད་རྒྱུའི་ཆོག་མཆན་དང་སྦྲགས། འབྲེལ་ཡོད་ཀྱི་གོ་རིམས་བརྒྱུད༼ཀོང་པོ་བོན་རི༽ ཁུལ་རིམ་པའི་རིག་གནས་སྐྱེ་ཁམས་ཚོད་ལྟ་སྲུང་སྐྱོབ་ཁུལ་དུ་ཚུད་ཕྱིར་ཡར་ཞུ་བྱེད་རྒྱུ།

གཉིས། ཁྱེད་ཚོའི་ཅུས་ཀྱིས་ཀོང་པོ་བོན་རིའི་ཁོར་ཡུག་དང་རིག་དངོས་སྲུང་སྐྱོབ་ལས་གཞི་ལེགས་པར་བསྒྲུབ་ནས་རང་རྫོང་གི་རིག་གནས་ཐོན་ལས་དར་རྒྱས་ཡོང་བར་ཤུགས་སྣོན་རྒྱག་དགོས།

༼གསལ་མཆན།༽ ད་ཐེངས་ཀྱི་གྲུབ་འབྲས་འདི་དཀོན་མཆོག་གི་མཐུགས་རྗེ་དང་བླ་སྤྲུལ་རྣམ་པའི་ཐུགས་བསྐྱེད་སྨོན་ལམ། ང་ཚོ་གནས་སྲུང་གྲོས་རའི་རྒྱབ་སྐྱོར་ནུས་པ་བཅས་ལས་ཐོན་པ་ཞིག་རེད་ལགས། ད་དུང་ང་ཚོ་ཚང་མས་ནུས་ཤུགས་བཏོན་སྟེ་༼གནས་མཆོག་བོན་རི༽འདི་ཉིད་རྒྱལ་ཁབ་རིམ་པའི་རིག་གནས་འབྱུང་ཁམས་སྲུང་སྐྱོབ་ཁུལ་དུ་ཚུད་པའི་ཆོག་མཆན་ཐོབ་པར་ནུས་ཤུགས་ཐོན་རྒྱུ་ཡིན་པས་རྒྱལ་ཕྱི་ནང་དང་བོད་མདོ་དབུས་ཁམས་གསུམ་ལ་བཞུགས་པའི་བླ་སྤྲུལ་སྐྱེས་ཆེན་དང་རྒྱ་ཆེ་བའི་གཞུང་ལས་པ། དད་ལྡན་མང་ཚོགས་རྣམས་ནས་རྒྱབ་སྐྱོར་གྱི་ནུས་ཤུགས་འདོན་པར་བཀའ་དྲིན་ཆེ་ཞུ།

༼ངེད་དྲ་བས་གསལ་བཤད།༽གནས་ཚུལ་གལ་ཆེན་འདི་ཉིད་འགྲུབ་འབྲས་ཐོབ་ནས་དུས་ཚོད་ཅུང་ཕྱིན་སོང་མོད། དུས་ལྟར་དུ་བོད་ཡིག་ཅན་གྱི་མཚམས་སྦྱོར་མ་བྱུང་བས་དུས་ལྟར་དུ་སྤེལ་མ་ཐུབ་པ་དང་། དེ་རིང་ལྷ་གཡག་རག་པ་ལགས་ནས་བོད་ཡིག་ཐད་ནས་མཚམས་སྦྱོར་འདྲ་པར་དང་བཅས་བསྐུར་གནང་བར་བཀའ་དྲིན་ཆེ་ཞུས་པ་ལགས།

ངེད་བོན་གྱི་དྲིས་ལན་དྲ་མཛོད་ནས་ཀྱང་གསལ་བཤད་ཞུ་རྒྱུ་ཞིག་ལ། མ་རྩོམ་དུ་པར་རིས་རིགས་མང་ཙམ་འདུག་ཀྱང་ང་ཚོའི་དྲ་བའི་སྒྲིག་ཚད་ལྟར་པར་ཚང་མ་འགོད་ཐབས་མ་བྱུང་བས་ལྷན་རྒྱས་ནས་མ་རྩོམ་དུ་གཟིགས་དགོས་ཚེ་འདི་ནས་ཕེབས་རོགས། རྩོམ་ཡོང་ཁུངས་ཧི་མ་ལ་ཡའི་བོན་དྲ་བ།